阿特蘭大到訪陪慶功 祖記細開封王P

猪拉多纳

今晚意甲等睇祖雲達斯捧盃！截稿前仲未知道羅馬作客卡坦尼亞嘅賽果，若然呢支首都球隊失分，祖記即可不戰而奪冠。就算羅馬贏波，祖雲達斯今仗主場只要擊敗阿特蘭大，一樣可以提早登上冠軍寶座，相信「斑馬兵團」會力求喺自己地頭贏波，開慶功派對。不過，祖雲達斯慣常小勝，主Ｗ熱爆燈之下，建議再追2.29倍入球細。

（TVB 301周二凌晨3時直播）

祖雲達斯今季由頭帶到尾，達成聯賽三連冠只係時間問題，由於全程未受挑戰，球隊演出難免欠了點激情，往往小勝了事，近十一場聯賽有九場開細，上輪對薩斯索羅，如非大意先失波，要爭取反勝，恐怕又係「煲魚生粥」！

形勢上，如果昨晚羅馬失分，祖記就自動捧盃，球員抱開派對心態，自然冇晒爭勝鬥心。相反，若然羅馬贏波，祖記應會繼續抱謹慎態度，攞埋呢3分，順利登基。無論點睇，都係似開細格局。
阿特蘭大等放暑假

阿特蘭大表面上仲有機會爭下屆歐霸盃入場券，但其實球隊根本冇呢個意圖，從早前六連勝，突然跌Watt，近四仗僅一和三負，就係最佳證明。事實上，呢支小型班一向以護級為前提，留得番喺意甲已經完成任務，依家等收鑼放假，唔會破壞祖雲達斯慶功派對。