畫出傳奇食尾胡

猪拉多纳

呢幾日雖然連場大雨，但噚日睇飛，卻有好多匹大熱門嘅票數硬淨到不得了，佢哋分別係第七場「朋友仔」、第八場「三和福將」同第九場「福毅」，隔晚曾經連2.5倍都冇，要吼實。

　　另外，噚日見到兩匹落班馬啲墊底飛勁，佢哋就係頭場「巴其利」同尾場「畫出傳奇」（見表），究竟係咪落班即由蟲變龍？我信。先講頭場「巴其利」，佢上仗跑四班泥地1200米仲係44倍，所以輸六個多馬位而回，今次落班換韋達，隔晚曾得8.3倍，似係搏殺格。

　　再講尾場「畫出傳奇」，呢匹馬近兩仗畀人忽視係應該，因為佢跳班跑兩項四歲馬系列嘅本地一級賽，今次落番嚟二班，票數即時唔同晒，曾得4.3倍做大熱門，要買。騎師王方面，田泰安胯下實力馬多，8.5倍抵博。周仲