勝在坐騎夠多 布文開齋唔奇

猪拉多纳

　　布文與貝湯美同期來港客串，兩者成績大有分別，雖然布文在記者會講過，未嚟之前已經請教過白德民，都係限於初步認識，嚟到之後自己接觸，可能係另一個世界。不過，佢點都好過季初嚟嘅歐道樂，起碼坐騎夠多，最近兩期都維持到有成6、7隻馬跑。

　　今日賽事佢出馬更加多，唔係第七場「駿馬得利」退出，本應騎足10場，都咪話唔把炮，當中有幾個仲係大馬房，佢真係要好好珍惜，正所謂機會唔係人人有。

　　問心嗰句，今次布文係就係多馬跑，有啲都係豬頭骨，贏面固然近乎零，跑得近啲都已經偷笑。不過，又唔係全部冇料到，場場志在參與，開齋可能就在今天。

　　因人而冷值博

　　呢期佢有幾匹坐騎，都係剛剛跑得好，好似第四場「無敵王者」、第八場「寶貝王」、第九場「泰山」以及尾場「好靚仔」，隻隻上場唔係第一，就係第二。你話如果一換咗佢上去，即刻輸晒，咁就無話可說，若然因為換人，分多幾蚊，站於菠菜角度，梗係制啦。Jack