韋達頻頻「爆攤」

猪拉多纳

　　其實冠軍騎師誰屬，與馬迷沒有太大關係，潘頓登上寶座又如何，閣下買中他的坐騎不會分多兩蚊；韋達後上封王，成為十四屆冠軍，投X在其馬匹身上，我們的注項也不可能加一派彩。不過騎師們演出的穩定性，對投X者卻有很大關連。

　　早前曾經指出，近期想搵安全感，首推韋達，檢視近日其坐騎的成績，穩定性依然高，五月至此共賽3期，坐騎多達27匹之多，成績為4冠6亞1季2殿14負，接近半數馬匹可以跑入前四名，入Q率高見37%，即是不出3場便有韋達坐騎入Q。

　　若果騎師在某段日子成績持續見好，不論箇中原因是爭冠軍？搵奶粉錢？臨別秋波？續牌？總之，平均計，坐騎成績穩定，已是投X前一大賣點，尤其是兵荒馬亂的季尾時分。

　　說到韋達，繼早前打破與呂廐合作馬必敗的多年僵局之後，日前又有力作，他為文廐勝出「風調雨順」，這場頭馬乃二人接近年半以內的第1W。臨近季尾，韋達頻頻「爆攤」，且看何日再贏葉廐馬吧（九月中至今未贏過）。