自動加速耐戰力強

不死鸟

 早前被罰停賽的韋達，今日終於刑滿復出，而在停賽期間，不少基本坐騎均已取勝，今次復出兼騎足十一場，當然有力贏馬補數，加上兩個主要競爭對手柏寶及白德民均出征新加坡，今戰韋達第三場五班千四米，「自動加速」最近兩仗除去所有配備跑同程後，演出可謂極佳，前仗在韋達胯下贏馬，最後二百米造出23秒42全場最快末段時間，上仗易配柏寶乘勇再戰，可惜遇到復甦的「葵扇煙」，最終力追不及跑第二，未能順利再下一城，但已證明馬匹狀態仍在極佳水平﹔既然今季胡廐馬耐戰力極強，這次回配韋達兼有一檔之助，有力收復失地。

        「靚太陽」跑法主動，在低班賽事往往能佔得先機，加上今場領放馬不多，就算排八檔亦應能順利搶出，要贏或不易，但三甲一席應該穩陣。「開心財星」上仗出爭同程，在不利追的情況下，末段造出22秒96跑第五，落後「葵扇煙」兩個多馬位，明顯有復甦感，今仗重配贏馬拍檔杜利萊一定有計。「晨速」銳氣稍不及季初，不過此駒跟馬偉昌極合拍，連敗兩仗後小心變身。「千萬福星」近期操得跑得，落五班上陣亦有點優勢，如配備變動有效，隨時橫掃。