四季星乘勝追擊

猪拉多纳

　　今期快活谷賽事三T有超過900萬多寶累積，馬會估計若10元一注獨中正獎，彩金可高達1,500萬，巨額派彩當前，絕對值得一試。

　　三T頭關第四場四班1650米，「準備就緒」上仗初跑同程即以輕鬆姿態取勝，終於露出真面目，亦反映出此程實力雄厚，今次唞番接近兩個月先出，而埋門一課大閘走勢勁，已做好準備等今場連捷。

　　次關第五場三班1650米，「紅簿仔」獨擅此程，三戰獲冠亞季各一佳績，其中上場初配潘頓即勝，可見人馬夠晒合拍；今仗返回三班雖則過往從未上名，但既然剛勝出已開竅，加上孭輕9磅對此匹細馬而言必有好冇壞，有力再贏。

　　尾關第六場三班1200米，「四季星」已經連贏兩場，現階段肯定處於大勇狀況，相隔兩周匆匆再跑擺明有乘勝追擊之意，況且對手唔算強而排二檔起步好跑，有能力三連勝。（向東）