好鍾意再鬥福駿寶

猪拉多纳

　　頭場五班1200米，論近期演出穩定的馬匹必然是「好鍾意」，最近四仗三度上名，並曾在同程打入Q，可見路有專長。練馬師徐雨石剛周三與潘頓破冰合作「銀飛龍」即上名，今戰又合作「好鍾意」，戰意一定鮮明，可望替牠打開勝門。上仗於同程贏前駒的「福駿寶」必然是最強對手，縱負131磅也不能睇小。

　　「天弓」轉容天鵬馬房初出，亦是今季首次出賽，但其實早於二月已回復正常操練，期間試過三課大閘，走勢次比次好，等番唯一上名之田草1200米先跑，應有決心即拼，憑較佳體力可搗亂大局。

　　第二場四班1800米，「馬來之珍」五戰同程獲一冠兩季，不但上名率高，更是同場唯一曾勝此程者，足證最可信，其中上仗返回四班本有利，奈何負133磅兼沿途跟得太前有違其最佳跑法，結果得第七隻負兩乘多，表現不差。今次改配呂卓賢減七磅及排一檔，加上出馬少易於發揮，跑出水準應坐位望贏。

　　「幸運新寶」屬胡少有演出穩定的馬，近六仗獲一冠一亞兩殿，當中上場同程負於再出再贏之「海洋活力」得第二，賽績有保證；馬房今日算強陣，必會再拼。冷門可博「尊兄」，連場於一哩賽事追得唔錯，今次增程跑1800米一定更合發揮，告仔突然用潘頓兼騎者超磅都騎，有晒搏殺動靜。