估冼毅力有得留低

不死鸟

冼毅力早輪因為發脾氣大鬧研訊室，本來以為罰停賽1個月了事，點知牌照委員會要求佢自己講，點解馬會今季仲要繼續發牌，照字面睇，即係話雖然下月底刑期屆滿，但過唔到呢一關的話，分分鐘即刻冇得玩，而呢單聆訊將於明早響跑馬地總部大樓舉行，Helen私下估計，冼毅力應該可以又一次大步檻過，不單止今季，就算下季一樣馬照跑、舞照跳。 
起初Helen都唔明，牌照委員會與其要佢解釋，倒不如一開始罰佢停到煞科，咁咪仲乾手淨腳？後尾同個律師朋友傾，佢話程序上罰停賽同發牌係兩件事，唔可以混為一談，因為停賽係要佢為犯錯負責，發牌就係從佢本身宏觀角度睇，參照過去紀錄去考慮佢?未來。至於我睇冼毅力一定可以有得留低，基本上係憑直覺；依家搵騎師難，之前佢又話知錯咯，各取所需，我相信馬會唔會咁絕情?。