見招拆招（精叻仔）金堡龍華無懼外檔

不死鸟

經過連日天雨，馬會投注額一再受到打擊，剛過去的周日派給入場觀眾的「蓮華生輝」紀念卡，甚至因入場人數太少而派唔晒，要在周三晚再派。

　　站在馬迷立場，變化地場合確實係令人難以有信心下重注，好似「億銘之寶」呢匹曾經響變化場地跑得好之馬，剛戰落敗後韋達都可以解釋話馬匹唔適應場地，咁試問投注額有乜辦法唔跌呢﹖

　　天文台預測周末天氣開始轉晴，相信周日賽事終於可在乾快地上舉行，加上係遮打盃大賽日，筆者預測會開出較正路賽果，不宜刻意求冷。頭場千二米拍賣馬挑戰賽，「金堡龍華」上仗初出即在同程爆冷贏馬，雖然全熟後應以一哩最佳，但現階段跑千二米最好，今戰雖然排外檔起步，但以其前速應可克服，有力連捷。

　　第三場四班泥地千二米，「寶貝」今戰有曾上名的千四米不報，偏偏選擇出戰泥地賽，肯定有所圖謀。上賽前曾試過一課泥閘仄準場地性能，今仗有望打開勝門。