實業飛駒謀反彈

不死鸟

現時冠軍練馬師之爭漸趨白熱化，摩、方、蔡三人各不相讓，究竟最終誰能坐上寶座，真係未到最後都唔知。雖然近期方嘉柏氣勢最旺，但事實上蔡約翰亦不甘示弱，逐步慢慢追前上來，環顧近幾次賽事，如不是他有多駒跑得第二名，好運一些的話，相信現時他已可緊貼大摩。今期蔡約翰的牌面比起方嘉柏和大摩都較弱，但各位唔好就此忽視此?馬，尤其第七場雙龍出海。
今次蔡約翰於第七場派出「浦紅之友」和「實業飛駒」上陣，而前駒季內已曾贏馬交代，因此相信主力會落在由韋達策騎的「實業飛駒」身上，雖然今次牠是以馬房第二選擇上陣，但此舉有避人耳目之嫌，各位唔好俾佢騙到。
「實業飛駒」現時評分已降至72分，現水平已有能力反彈。今次此駒重由韋達執韁，出戰田草2000米，牠在此程曾跑4次，取得冠亞季各一，上名率高達75%，此程堪稱其首本。上場前此駒有3個月未再上陣，剛戰牠復出跑嫌短的1600米，擺明是熱身格局，是次即跑回拿手路程，隨時可見真章。