三冠馬王愈愈難

猪拉多纳

　　自從「翠河」於93至94馬季成為三冠馬王後，已二十年未有另一駒誕生，近年強如馬王「雄心威龍」亦撻Q，勝出頭兩關後，於尾關遮打盃屈居第二，而上季的「將男」，則只贏得頭尾關，都是功虧一簣。

　　事實做三冠馬王難度高，要一季內先後勝出三場本地一級賽，分別是董事盃1600米、香港金盃2000米及遮打盃2400米。在現今馬圈競爭激烈，馬匹實力相當接近，其實想贏一場本地一級賽已經唔容易，更何況贏三場，仲要係指定。

　　更甚的是，馬會早前公布四項本地一級賽於新季將升格為國際一級賽，當中便包括上述三冠馬王的三關，獎金自不然大幅提升，係就係好吸引，但同時亦開放給外地馬匹來港角逐。要知道，1600至2000米路程，本地賽駒尚有爭勝之力，但去到2400米，把握力明顯冇咁大。所以香港要再有三冠馬王誕生，恐怕愈愈難。