馬場靚女大激鬥

猪拉多纳

星期三、同星期六、日，香港邊度最多靚女出沒呢？答案可能係沙田同快活谷馬場。近年香港賽馬唔再局限於只係男人嘅浪漫，愈來愈多女士對賽馬產生興趣，甚至做埋馬主，而馬會亦搵嚟女明星、口靚模做推廣大使，一時間馬場好多美女出現，令人目不暇給，本報攝記就收集咗一季以嚟喺馬場影嘅靚女相，趁依家夏日炎炎，請大家食吓冰淇淋，消消暑。
       
世界小姐張梓琳
o靚模系列

o靚模風氣近年盛行，近年更加吹襲賽馬界，馬場愈來愈多妙齡少女出現，好似靠足球上位嘅大埔Lulu同童星出身嘅美琪BB，仲有人氣愈來愈高嘅「百變妹」楊浩兒，接job接唔停，連馬會亦經常搵佢哋擔任節目主持同活動宣傳大使。
       
楊浩兒
素人系列

明星、o靚模睇得多，睇吓「素人」美女又如何。「素人」其中一種說法指非專業模特兒，與娛樂圈不相關嘅普通人。不過，「素人」勝在畀到人分外清新、刺激感覺，擺pose影相比模特兒唔差得遠。
       
曾向欣
美魔女系列

近年流行「美魔女」一詞，意思指35歲以上仍然才貌兼備嘅女性。要數馬場出現最令人眼前一亮嘅「美魔女」，非1988年港姐冠軍李嘉欣莫屬，她現與丈夫許晉亨養有「一寶」同「貳寶」兩駒，另外連續兩年擔任馬會女皇盃宣傳大使，其「大美人」嘅地位從未動搖過。另一位「美魔女」不得不提「喜蓮」系馬主胡家驊太太吳婉芳，她1986年參加香港小姐，一舉奪得亞軍、最上鏡小姐同才華小姐三個獎項，但直至2014年仍保養得好好，同老公拉頭馬嗰陣非常之省鏡，話畀人知真實年齡都無人信。
       
李嘉欣
美腿系列

夏天為大地帶來美腿，其實唔使等到夏天，馬場經常都睇得見。美腿系代表藝人何傲兒，因為爸爸係前馬主嘅關係，經常出入馬場，每次見到傲兒，都會被佢嗰對白滑長腿深深吸引住目光，就算冬天披着大衣，亦都會大晒美腿，阿伯見到都難抵誘惑。
       
何傲兒
人妻系列

已嫁為人妻嘅歌手謝安琪，可以長期被封為網上討論區公認嘅「女神」，就知道就算生過仔嘅人妻們幾咁吃香，幾咁有market。馬圈靚嘅人妻們亦有好多，好似啱啱生完BB嘅「喜欣賞」馬主曾向欣、貝湯美未婚妻Sharnee、「男」系馬主趙冠銘嘅太太等……