龍子開竅爭連捷

不死鸟

第一場五班1000米。「贏得快」轉投入蔡約翰馬房後，經練者重新打磨及調校下，近戰取得兩冠佳績有脫胎換骨之感，睇回上仗贏田草1200米，段段快開贏來有前有後，足證其現時處大熟大勇之境，復課以踱步為主，但馬匹踱來神生力足，出腳挺勁搶住走，態況勇銳更勝上回，今次轉戰谷草1000米，前速夠快唔怕縮程，沿用韋達操刀，有力取得季內3Ｗ。「眼鏡之寶」路有專長，勤跑下火氣冒升，今次排得1檔好位，把握良機有力重叩勝門。
第二場五班1650米。「龍子」季內連戰多仗，終在上仗谷草1650米打開勝門，除搵�衤烦讨�外，慢熱馬適應水土後展示威力亦係贏馬主要關鍵，而剛戰在末更締23.76全組馬最快時速，可見其加速力強兼狀態大勇方可為，四歲仔有大把上升空間，開竅後必可扶搖直上，今次再爭勝途，藉當銳氣勢，再下一城無難度。「大唐勇將」五班中堅份子，轉戰谷草面對次一級對手，乘勇出擊穩位望贏。
第三場四班1200米。「亞洲橙王」早期一籌莫展，但近兩戰谷草1200米取得連捷越贏越易，可見馬匹開竅後大幅進步，過往虎頭蛇尾不復見，五歲馬現處升軌，練者霍利時必善用此黃金期，再跑強項回配韋達壓陣兼排得黃金1檔，人強馬壯三捷可期。「龍武軍」近兩戰取得冠亞各1演出可人，論馬居4班有半超級之感，當起勇馬轉用梁家俊減輕7磅有利進取，可與前駒一決雌雄爭勝。
第四場四班1200米。「大勇」近5戰取得3亞1季表現不俗，此匹易位難贏馬甚考尺寸，早出頭會貫注唔到尾，留得太後則會後上不及，所以至今得2冠8亞4季全在谷草場地取得，而田草兩戰三甲不入可見其出路狹窄，還好此駒有態必保持長時間，埋門踱步仍見有火氣，今次排得4檔可助其易找遮檔，沿用白德民操刀，穩位望贏仍可做到。「賽馬精神」7歲馬戰鬥在，老馬有火必拚，有分頭值得一博。