筍盤益你（斑尼）:特寶樂又食尾胡

不死鸟

方、蔡兩廐喺五月頻頻贏馬，搞到唔少評馬人或馬迷近排亦經常談論冠軍會花落誰家，既然咁有話題性，唔知馬會日後有冇興趣開盤受注冠軍練馬師，而且未必一定要開季即買，跑到咁上下亦可以設走地盤，相信馬迷必會更加投入。

　　斑尼覺得今屆冠軍應係大摩囊中物，但谷草王方嘉柏呢次派遣四駒列陣，計落亦有一定爭勝機會。好似尾場三班一哩，「特寶樂」上仗原本報爭田草千六米，點知因天氣惡劣取消賽事，但之後繼續安排正常操練，狀態可謂有進冇退，加上至今唞咗個幾月，體力應比同場對手優勝。另外，今戰採用谷草C欄C加三彎跑道，翻查最近一次相同場地紀錄，發覺嗰晚（五月六日）曾舉行四場一哩賽事，結果共有八匹排一至五檔馬上名，足證排二檔嘅「特寶樂」威力倍添。四月二十二日此駒喺尾場三班一哩贏「精算大師」，聽晚「特寶樂」再編喺尾場跑，小心又會在普萊西胯下歷史重演。

　　前季白蘭恩勇奪挪超冠軍後，上季只以第八名過終點，但今季表現復甦，至今十一戰錄得四勝四和，暫以十六分排第五位，今晚作客排第十六位嘅史卓加斯特，到底可唔可以趁勢全取三分﹖

捧史卓加斯特入球大

　　史卓加斯特現時喺聯賽只得九分，其中作客更只得一分，證明喺主場出擊有一定威力，不過近六次喺主場迎戰白蘭恩，居然只得一勝五負劣績，如捧主隊似乎違反數據，但今季白蘭恩六場作客賽事失咗十球，加上主客和客勝初盤有2.2倍，明顯又好分過頭。既然史卓加斯特季內六次主場賽事只得一場冇波入，白蘭恩今季六次作客則次次有入波，都係買入球大最穩陣。