阿積士遇仇家主場大報復

猪拉多纳

今季荷甲本周末開鑼，今晚先上演荷蘭超級盃，由上季聯賽盟主阿積士主場鬥荷蘭盃冠軍施禾利。今場係上屆荷蘭盃決賽翻版戲碼，當時施禾利喺先失一球情況下，最後奇迹地以5比1爆大冷反勝阿積士捧盃，但要留意該仗替施禾利連入兩球兼上季球隊聯賽首席射手古安費南迪斯，已經因為借用期滿而離隊，數胡能力減低不少。

施禾利教練朗贊斯接受訪問時亦好坦白，話更加關心周末主場對烏德勒支嘅聯賽開鑼戰，對爭此盃意欲唔算高。今場安排喺阿積士主場阿姆斯特丹球場舉行，阿積士當然想喺主場球迷面前報番上屆荷蘭盃決賽大敗之辱，而且球隊季前熱身賽演出亦對辦，讓球主勝可作過關重心。

（周一凌晨零時開賽）
串埋市原讓客史達大

另外兩關賽事，日乙榜首湘南比馬主場鬥千葉市原，湘南比馬上輪聯賽失分，千葉市原有前鋒愛華頓甘比斯刑滿復出攻力增，冷敲讓球客勝。挪超莫迪對上三次出戰歐霸盃前都能在聯賽贏波，今晚作客史達唔怕歐洲賽後顧，照攻可也，捧大盤。