馬王選舉太早截止

不死鸟

「爆冷」上周日勇奪遮打盃，縱使贏遮打盃唔代表等於馬王，但此駒今季三勝一級賽，另於二級賽一捷，Helen都打算投「爆冷」一票，但好戲在後頭，「好利威」或「勝眼光」禮拜贏安田紀念揚威日本，又或者「蓮華生輝」本月中贏英國金禧錦標的話，結果又會否有變？所以覺得馬會本周一開始接受公眾投票，再下周一就截止，時間上似乎早??，起碼等「蓮華生輝」跑埋先，咁公平好多。
以獎金計，「爆冷」已突破7,000萬大關，既屬現役馬第一把交椅，距離紀錄保持者「爪皇凌雨」亦僅500萬，以此馬目前年方7歲，如無意外下季就可超前。不過一單還一單，選馬王冇獎金，卻係無上光榮，「爆冷」新勝入晒馬迷個腦，呢輪選票一定較多，但Helen玩得呢個遊戲，就會好認真對待，所以心想投「爆冷」，但「蓮華生輝」未跑已截止投票，想贏1卡鑽石？想審慎?都冇計！