古賓「波波夫」擔正繼續W

猪拉多纳

羅斯托夫慘敗未驚完

俄超古賓季前備戰工夫做到足，聯賽首戰亦順利打響頭炮全取3分。今晚佢哋再次主場出擊，對住防線失晒魂嘅羅斯托夫，有力再下一城，進取啲可以考慮2.7倍「讓主」。

﹙開賽時間：周六凌晨0:30﹚
王牌艾夫連波波夫開齋兼贏波

古賓自從2年前參戰歐霸盃後，主力相繼被挖走，好在今季成功留得低鋒將艾夫連波波夫，同時借入守將艾舒連高，令球隊發揮穩定。佢哋聯賽首戰食住熱身賽連贏氣勢，順利喺主場以2:0輕取烏法，主力艾夫連波波夫又成功開齋，為球隊打下強心針。雖然射手伊巴謙巴爾迪休戰，不過隊波咁Fit依然可以睇高一線。

對手羅斯托夫上季表現可人，全賴莫斯科斯巴達借將迪斯奧巴、阿蘭尼迪斯發威。呢兩位猛將今季重返母會後嚴重削弱羅斯托夫實力。點知教練保索域唔識死，上仗作客莫斯科戴拿模竟然同人玩鬥攻，結果慘敗3:7而回，球員所受到嘅打擊唔係一時三刻可以恢復到，今晚佢哋再次客途作戰，睇怕冇咁快可以重整旗鼓。