賓福特查爾頓大無畏

猪拉多纳

英冠護級大戰咁快就開打？兩支外國莊家視為「降班熱鬥」嘅球隊賓福特同查爾頓開咧即遇上，真係有緣！兩隊都係青春班夠晒活力，今場大盤點可以走寶？

（TVB 301周六晚上10時直播）

賓福特呢隊波行緊修咸頓條舊路，注重青訓發展，興建訓練場同世界級訓練設施，更專門從細球會搵啲有潛質嘅22、23歲新人，例如史葛賀根、安達格雷、科梳等，踢得勁有朝氣，終於喺今季廿年來首次殺上英冠。一支咁後生嘅球隊，通常都係攻強守弱，佢哋喺季前賽踢法都係有前冇後，場場都開大！至於外國莊家降班賠率仲熱過賓福特嘅查爾頓，新季除咗有新班主外，仲搵嚟前鋒出身嘅比利時少帥博佩特斯執教，加埋今夏簽入多位前鋒，包括阿仙奴小將安沙、比利時前鋒韋杜基尼等，擺明喪攻格，捧大好路。