好知己再顯能耐

不死鸟

香港三級賽1400米，蔡約翰馬房「好日子」，這匹忠心好馬陣上表現準得交關，季內出賽10次，分別摘下3冠4亞1季戰績，越跑越進步。看上仗於總場次638雖不敵季內經常在級際賽入圍的「厚利多」，但水準都唔失禮，今勻縮回1400米威力更強，過往四戰分獲2亞2季佳績，保持全上名紀錄，今次角逐三級賽，對手唔係好強，相信跑出水準，有權繼續贏。
第一班1800米，「好知己」季內苦戰多場僅取得一勝三位，以此馬實力肯定屬偏少，皆因經常在陣上要負重磅作賽影響發揮，早前於總場次505（上圖）贏馬一役，便是負118磅，反映負輕磅實力高一皮，而且本身是匹正宗長途健將，轉跑沙田長直路更有利追趕，過往曾在同程有贏馬紀錄支持，恃住負磅輕之利，有權橫掃。