勁有盈捲土重來

不死鸟

第三場四班1200米。「勁有盈」上次功虧一簣，礙於檔劣沿途走二疊不敵超班的「精彩生輝」無計，但本身已彈甩其餘對手，而第三名的「時代明星」再出即贏，反映是賽水準唔曳，復課集中以慢工夫為主，這次原班人馬再吼同程而來，排檔較上回好得多，只要保持水準有權勝回一仗。「亞洲橙王」上次跑法眼冤當是回氣，這次對手不算太強，換上馬偉昌交出水準足以施回馬槍。「得令先鋒」按大前仗三班谷草同程輸畀「再來風」計數，居此組肯定佔點甜頭，隔兩星期復戰谷草短途跑四班賽，應有作為。「三扒兩撥」上賽轉跑谷即有走勢，快跟下只是臨門一步失三甲，表現確有點進步，復課大力打磨，再吼同程而來兼有1檔幫手，有權提升名次。
第四場四班1650米。「天下寶」今季一直未能上名，評分已跌至60分關口，4歲馬早前一再?三班同程走得接近，今次落到四班角逐同程，面對同樣都是久未出頭之馬，起用上梁家俊只?124磅，又特別在今場初戴眼罩，料不無反彈之力。