寶貝王子打硬仗

不死鸟

今季冠軍練馬師之爭可謂風起雲湧，本應以為坐定粒六的大摩，估唔到埋門力弱，而方嘉柏連續10次都有馬贏後，現時更反超前，並以2場頭馬在練馬師榜中壓倒大摩排首位。今次煞科一戰，方嘉柏更揚言一定要奪得冠軍練馬師殊榮，因此屯重兵不容有失。
今次方家軍派出11駒上陣，戰馬實力不弱，而究竟當日他可贏幾多場，又是另一話題。事實上今期方?戰馬中有不少都贏過馬，因此大家應該留意未交代的馬會更好，因為這類馬戰意一定更鮮明，而列陣第九場的「寶貝王子」，一定是方嘉柏最想為馬主交代的馬。
「寶貝王子」馬主Shroff在方祿麟時代已支持方家，直至現時方家第二代長門人方嘉柏，他都有馬支持方廐，而他本人年事已高，一向無欲無求，如愛駒可贏馬影威水相，他就最為開心，所以「寶貝王子」來港後一直未交代，所以適逢今次季內最後一戰，假如贏馬當然更為美滿，唔使令馬主等到下季，所以今戰馬匹必拚無疑，務必要捧場！