馬模分心歐聯「根」唔過

猪拉多纳

（六）11 赫根 Vs 馬模

等咗14年，馬模終於成為2000年嘅希爾星堡之後，第一支殺入歐聯分組賽嘅瑞超代表。呢隊波依家磨拳擦掌等緊下個禮拜作客祖雲達斯場歐聯賽事，仲邊有心機踢聯賽先？今晚作客赫根隨時出現暗湧，博2.5倍主勝好過。

難得可以殺入歐聯分組賽，馬模邊肯放棄呢個名利雙收嘅好機會？齋睇佢哋喺附加賽淘汰薩爾斯堡後，成隊波好似攞咗冠軍咁瘋狂慶祝就知啦。睇番馬模最近作客表現回落，近5場作客輸3場，加埋主力射手莫連斯未好番，的確難言穩勝。

況且對手赫根最近8次同馬模交手贏咗4次，擺明唔驚對手。話唔埋赫根班友仲眼紅馬模，趁住對手分心之際加多兩錢肉緊剃人眼眉添呀！