日本中國女足夾計做「細」界

猪拉多纳

仁川亞運女足分組賽今晚進行矚目大戰，上屆冠軍日本女足喺B組對中國女足，玩入球細着數。基於歷史背景關係，兩隊每次碰頭都會特別落力打甩髀，睇番數據對上6次交手都全部開入球細，而且日本女足進入換血期，實力唔至於贏中國女足好多，入球細可再追！

（有線64、203、廣東體育及中央5台周一晚7:00直播）
世盃冠軍功臣冇入選

近年日本女足嘅實力已經拋甩中國女足，但曾領軍贏得女子世盃冠軍嘅教頭佐佐木則夫話，亞運目標係培育新球員，所以世盃冠軍主力包括前鋒大野忍、大儀見優季、中場澤穗希同後衞餃島彩全部冇入選，靚女丸山桂里奈同新星岩淵真奈都冇份，牌面弱咗好多。

中國女足上屆得殿軍，雖然前鋒馬君、中場王麗思同門將王飛錯過女子亞洲盃後，再度入選可以候命搏殺，但近年最有卡士嘅前鋒馬曉旭因為狀態問題落選，鋒力幾成疑問，加上日本女足有中場宮間綾、川澄奈穗美同後衞岩清水梓孭飛，隨時搓到中國女足暈陀陀，再開細唔奇。
女亞足B組