蓮華生輝贏盡掌聲

不死鸟

馬會於6月頭舉辦最受歡迎人馬獎綱上投票，筆者亦有在綱上投票支持最受歡迎騎師獎係蔡明紹，而最受歡迎馬匹係投選「蓮華生輝」，一失一得在筆者意料中，原因個人對蔡明紹出道淺而有出色表現給予支持，但亦知道他出道尚淺唔會咁快可以即獲最受公眾歡迎獎，而「蓮華生輝」得公眾人士選為最受歡迎馬匹獎，包括筆者在內，可謂贏盡了掌聲。
「蓮華生輝」短途實力強勁是目前在港敢稱第二，無人稱第一，如非受嚴重腳患影響的話，相信成就不止於此。此駒上季初因晨課操練整傷腳，原本計劃遠征日本參戰亦被迫要取消，當時大多馬迷均有失落感，還好牠在練者姚本輝及獸醫悉心料理下，腳患全面康復重上戰場，而牠久休五個月傷癒復出亦交出不俗成績。首先在港取得一冠一季，繼後遠征新加坡出爭短途錦標勇擒當地短途翹楚「火箭人」奪取殊榮，之後再度遠征英國出戰雅士谷馬場金禧錦標，雖然得第五，但表現亦可接受，可見牠健康穩定及腳患康復後重振雄風，不失為短途馬王本色。
「蓮華生輝」雖然上季出賽不多，而贏取頭馬連海外都係得兩場，但因其忠心及鬥心強橫給公眾馬迷留下好印象，所以今屆獲大部份公眾投票選為最受歡迎馬匹獎，可謂得人歡心，眾望所歸。