丹山飛駒子嗣受歡迎

不死鸟

「丹山」離世多時，但近10年間唔少其子子孫孫加入配種行列，為延續種王皇朝作出貢獻，「告魯夫」、「丹山王」、「日月神駒」、「凱明神駒」等本港名駒，退役後在澳紐打種，亦陸續有子嗣來港服役，上一季就多?「幸運馬主」子嗣，「冰火」及「幸運王子」先後上陣，暫交唔出甚麼成績出來，咁請問大家記唔記得「丹山飛駒」呢？呢匹東?馬於01年落地，一生6捷由新馬贏到頂班，最風光日子響04年初，先贏元旦日三級賽華商會盃，再響G1董事盃輸畀「風雲小子」，可惜其後一對前腳有事，動過手術，競賽生涯從此走上末路。
「丹山飛駒」於06年開始在澳洲配種，除出自「丹山」，母系屬澳洲相當有名氣BALLROOM BABE，再加上LYNDHURSTSTUD落力宣傳，登入牧場網頁就見到「丹山飛駒」張靚相，佢�\用型格似「丹山」加上早熟作招徠，首季已經同160匹牝馬交配，受孕率更高達91%，新個澳洲馬季開鑼，好快見到「丹山飛駒」?子嗣出賽，甚至不久將來會有佢?仔女回流香港。