紅軍客W扑錘

猪拉多纳

巴神「開齋」信心返晒嚟

十個男人九個滾，巴洛迪利實有份！「巴神」場外生活一向多姿多采，近排就有個利物浦女粉絲畀佢「o趙完鬆」，男嘅賤格就一定，但女嘅都冇得怨人，自動送上門你情我願啦！「巴神」事後話性愛令佢喺球場上表現更掂，果然即刻喺歐聯分組賽射爆盧多格德斯，依家佢場內場外都「開咗齋」，今晚「紅軍」造訪韋斯咸又係佢Show Time，撐1.62倍客勝冇衰！
史獨復操 下周打吡先落場

利物浦前鋒史杜列治早排受傷，雖然已經復操，但領隊羅渣士講明唔會冒險，計劃下周六鬥愛華頓先派佢落場，加埋祖阿倫、安利簡恩、格連莊臣同法拿根都仲養緊傷，「紅軍」傷兵都唔少。不過睇見巴洛迪利喺周中歐聯開齋，打起番呢位射手嘅信心後，相信入波陸續有嚟。
英超新例 韋斯咸難用「長草場」

呢場波未踢就已經火藥味濃，事緣利物浦上季造訪Upton Park贏2:1之後，喪彈「錘仔幫」衰格，唔單止更衣室熱到爆、客隊泊車地方唔就腳之外，仲話韋斯咸特登留到啲草勁長影響地面推進。適逢英超今季有新例，規定球場嘅草唔可以長過30mm，韋斯咸奸計再冇辦法得逞，怪唔之得領隊艾拿戴斯賽前鬼殺咁嘈，又話謝拉特麻煩，又話草長限制規管荒謬啦！

「錘仔幫」今季引入7個新球員，但唔係傷，就係無態。好似厄瓜多爾前鋒安拿華倫西亞之前狀態麻麻冇得落場，上場對侯城終於有份踢，偏偏佢又唔生性，喺補時階段頂頭槌中楣。「錘仔幫」已經連續3場波未贏過，喺聯賽盃仲要輸咗畀低一班嘅錫菲聯出局，今晚對住當頭起嘅利物浦，就算有主場之利都難逃輸波厄運。
盤路解碼

利物浦上季英超作客10勝5和4負，勝出率達53%。
利記作客錘仔半場5連大

利物浦近23次同韋斯咸交手，有21場不敗。

紅軍近9場英超作客賽場，8仗至少攻入對手2球。

利物浦近5次作客韋斯咸贏4場，連開5口半場大。
韋斯咸駁火格吼大

韋斯咸聯賽主場2連敗，甚至喺英聯盃主場鬥英甲錫菲聯都出局，令領隊艾拿戴斯備受壓力。好在新援安拿華倫西亞上仗入靚波開齋，艾帥賽前話明會善用對手啱啱分心周中歐聯嘅優勢，乘勇砌低對手，擺明一副駁火格。紅軍一向以攻代守，新兵巴洛迪利亦已開齋，信心大增，不妨揀1.62倍入球大。

生好

(⊙o⊙)哦