|
|
今晚英超最強戲碼曼城主場火併車路士，無獨有偶，兩支藍軍喺上周中歐聯均失分而回。首先曼城作客全場遭德甲班霸拜仁狂攻，憑門神赫特屢救險球先至僅輸一粒，而車仔更喺領先之下被另一隊德甲兵史浩克04逼和，Peter相信佢哋都心繫今仗，尤其係車仔，若非如此，又點會收起4仗入7粒嘅射手迪亞高哥斯達呢？明顯係為今仗留力。其實唔怪得莫連奴，因為迪哥呢類衝撞型前鋒，經常拉傷大髀底筋，莫帥梗係錫住佢用，盡量唔好用殘佢。現時車仔4戰全勝得12分，而曼城就只得7分，若「藍月亮」贏波便可追貼車仔，反之則會被拋離。
兩大門神都咁弗
不過，今季車仔絕非善男信女，加上衞冕球隊通常都好難踢，因為各隊都以擊敗冠軍球隊為榮，況且兩支藍軍亦唔想喺首循環輸畀爭標勁敵，預計佢哋會踢得小心翼翼，Peter認為雙藍會好大機會和波收場，加上赫特與車仔鋼門泰拔高圖爾斯實在太弗，相信今仗入球數字唔會偏高。
金句：周中雙藍怨、周日雙藍會 |
|
金睛卡
发表于 2014-9-21 13:22
变色卡
显身卡