史雲斯洩氣難食拖肥

猪拉多纳

另一支默西賽德郡球隊愛華頓今圈英聯盃將作客「天鵝」史雲斯。愛華頓雖然啱啱喺聯賽不敵水晶宮，不過主隊史雲斯連勝斷纜後恍如洩氣皮球，加上近年交手畀「拖肥」食住，就算有地利都冇本錢贏波，史雲斯讓平半，揀愛華頓下盤。

（TVB 302周三凌晨2時45分直播）

愛華頓今季條後防表現真係令球迷慘不忍睹，聯賽5戰失咗13球，係目前聯賽失波最多嘅球隊，好彩佢哋前鋒夠爭氣，「新魔獸」盧卡古及米拿拉斯近期頻頻有波入，狀態着晒火，而且佢哋今季作客表現比起主場更穩定，兩次作客鬥李斯特城、西布朗都唔使輸，客場發揮似乎更有信心。
愛華頓往績優勢明顯

至於聯賽頭3仗全勝嘅史雲斯，自從遭車仔擊敗後變咗洩氣皮球，上仗再輸畀修咸頓，陣中仲有迪安達里、羅利唐納利及里安比頓等十字兵。史雲斯近7次出戰，竟然錄得1和6負嘅劣績，格食格之下當然捧受讓嘅愛華頓啦！