羅渣士落柯打要W 紅軍「讓主」得「米」

猪拉多纳

利物浦原本諗住應付英超同歐聯兩大戰線，或放棄英聯盃，但領隊羅渣士見開季成績唔掂，今場對米杜士堡講到明唔會放水，話一定要重上勝軌。阿頭落晒「柯打」，班細嘅點敢Hea？就信多佢一次，博1.93倍「讓主」！

（TVB301及廣東體育周三凌晨2:45直播）
米杜士堡中場大將停賽

今季重回歐聯賽場嘅「紅軍」，要應付歐聯同英超兩大戰線，真係好唔得閒。本來球會可能因為咁，畀羅帥放棄相對唔太重要嘅英聯盃，不過佢哋開季至今聯賽已經輸咗3場，完全表現唔到上季嘅威勢。羅渣士見隊波依家唔多掂，已經講明呢場一定要贏，振奮一下士氣。羅帥今仗應該會用聯賽冇乜上陣機會嘅前鋒列基林拔、拿沙馬高域等球員落場，而啱啱復出嘅史卡迪爾亦有機會披甲，鎮守後防。

利記今戰對手米杜士堡絕對唔嘢小，近3場全勝十分Sharp醒。不過佢哋陣中對英超球隊最有經驗嘅中場韋赫特，因為上場大炒賓福特4蛋嘅英冠比賽做咗「紅牌阿姑」，今場要坐波監。米堡群龍無首，仲要作客晏菲路，不如專心英冠好過啦！