金靴冷敲加斯安奴柏利

猪拉多纳

英超金靴一向爭持激烈，雖然上輪車路士作客遭曼城逼和1比1之餘，並終止咗西班牙弗爆射手迪亞高哥斯達場場有士哥嘅強勁走勢，但入咗7粒帶緊頭嘅「迪哥」，繼續係金靴大熱之選，不過熱到得1.65倍實在乏味，咁究竟邊個最抵買？不妨留意吓修咸頓箭頭加斯安奴柏利，呢位意大利高大前鋒極速融入英超，依家轟入3粒帶領「聖人」走出谷底。另一前鋒積洛迪古斯仍未傷愈，相信「聖人」未來會勁倚賴加斯安奴柏利數胡，現時有45倍分頭值得冷敲。
荷西烏路亞屬「其他」之選

至於上輪協助「狐狸」李斯特城爆大冷反勝曼聯5比3嘅前鋒荷西烏路亞，依家以5球緊隨「迪哥」之後排第2，今輪「狐狸」出戰防線不穩嘅水晶宮，又係腳風奇順嘅荷西烏路亞搵食良機，佢屬於有18倍嘅「其他」，都幾抵玩。