喜寶寶長途稱一哥

不死鸟

「喜寶」系早前支持蔡約翰因戴勝關係，期後因戴勝與蔡約翰意見分歧，而「喜寶」系馬主羅建生一路以來對戴勝十分信任及支持，戴勝同蔡約翰分手後，而當時戴勝改泊方嘉柏碼頭，順理成章「喜寶」系轉入方?，雖然後期戴勝放棄香港策騎基地，但馬主羅生並無將「喜寶」系拉走，明顯他對練者方嘉柏表現滿意，事實擺在眼前，「喜寶」系去季表現確出色，馬主眼見愛駒有好成績，當然喜在心頭繼續支持練者方嘉柏。
今日主角正係「喜寶寶」（上圖），此匹3歲佳駟，前季於季尾6月1日在港首戰田草1200米，臨場得3.1倍可見幕後自視甚高，雖然跑第三，但已知非池中物，該役狀態只得七成，而且眼見身肥兼無厘火氣都可以入位，顯見呢仗恃質凌人。而上季季初上陣多仗無功，主因本身係長途馬，加上慢熱，練者知道其性能，以實戰來提升狀態，而馬匹經過4場實戰後，態況確認漸入佳境，到第5仗於谷草1650米打開勝門贏來出色，之後3仗分別在田草1800及2000米取得亞軍，另外一仗在谷草2200米贏馬。

場地不受拘限

3歲仔能夠越跑越長交出優越成績，亦能克服任何場地，性能廣泛更突顯見其實力潛能豐厚，觀其型格雄偉不似早熟早殘之輩，來季踏入4歲是其大熟大勇黃金期，此駒跟得鬥得兼忠心，新季只要稍加打磨，狀態回復作戰水準，無論出戰田草或谷草一哩以上途程，呢匹長途翹楚必有一番功業，值得留神。