傷疲交煎燕豪芬難敵戴拿模

猪拉多纳

歐霸盃E組兩支出線熱門俄超莫斯科戴拿模主場鬥荷甲燕豪芬，客軍燕豪芬受傷疲交煎之苦，遠征俄羅斯面對充滿決心嘅戴拿模唔夠砌，Anton撐主隊讓半一嘅上盤。

（有線64及203台周四晚11時直播）

計名氣同歐戰經驗，燕豪芬無疑在莫斯科戴拿模之上，不過球隊近期受到嚴重傷兵問題困擾，多名主力包括中場舒赫斯、希真麥克、譚馬達齊缺陣，最慘仲係兩名頭號射手迪比同盧克迪莊都因傷倦勤，搞到近期表現大跌Watt，上輪聯賽作客海倫芬除咗輸0比1，全場仲畀對手攻到冇得還手，狀態甚曳。今次遠征仲行衰運，佢哋星期三往俄羅斯嘅航班，因為濃霧被迫大延誤，球員抵達莫斯科已經疲倦不堪，今日係佢哋18日內嘅第6場比賽，球員體能令人擔憂。
古蘭爾抖夠捉「燕」

戴拿模目前排喺俄超第三位，9戰入23球鋒力僅次於班霸辛尼特，基於辛尼特實力太強，爭俄超冠軍難度太高，佢哋對歐霸盃特別重視，首戰作客希臘彭拿典奈高斯就精銳盡出，作客贏咗2比1，球隊最強武器當然係德國射手古蘭爾，呢位箭頭上輪聯賽對古賓嘅下半場好早就退下火線，留力今仗搏殺，主場面對狀態欠佳嘅燕豪芬力足再贏。