有錢途泥展所長

不死鸟

日前香港賽馬會登報招聘見習學員廣告，相信必吸引眾多符合資格及有條件?年青人應徵，能否被取錄成為見習學員，當然要經過連串面試及考核，到正式入營受訓時，亦要過五關斬六將方可出�a做馬房見習生，假如肯勤奮好學的話，不失為一份「有前途」好工。就以見習生蔡明紹為例，此子上季出道6個半月，贏取43場頭馬，合共取得3,000多萬獎金，而他可獲一成，即係有300幾萬，而他係見習生，其師傅告東尼可分他一半獎金，亦即係話他獲逾150萬獎金，以一個不足廿歲年青小伙子能獲此巨額報酬，你話呢份仲唔係「有前途」好工。不過，今次係借「有前途」來引述告東尼馬房?「有錢途」（下圖）來作比喻，介紹此駒新季要留意。
「有錢途」上季作戰5仗全落敗，而且更係大敗，再睇回牠5戰均係毫無狀態，走勢生硬，毛糠兼身肥，瓣瓣唔掂要牠交出成績都幾難。不過，隨�裟挲g增長，再加上日趨成熟，而且評分大幅下調，相信今季必可交出成績。此駒上季第二仗出爭田泥1650米，顯見有搏殺票支持，放足三段到最後600米才力弱跑包尾，呢仗顯示牠泥地性能不差，亦相信今季練者會將牠專注在泥地爭功，田泥1200米屬其最佳出路。