C朗帶傷 葡萄牙黑過麥斗

猪拉多纳

C朗拿度係就係好波，但就算佢踢到識飛，班手足做唔到嘢嘅話，葡萄牙都係冇運行！呢位葡萄牙巨星今晚喺歐國外I組因膝傷紮住鬥丹麥，受形勢所逼作客都肯定焗攻，正好啱晒踢法機動兼反擊快速嘅丹麥胃口，丹麥受讓平半梗要1.73倍下盤啦。

（有線64及203、中央5台周三凌晨2:45直播）
丹麥射手拉斯維比弗爆

葡萄牙剛啱喺熱身賽輸畀法國1:2，雪上加霜係陣中王牌C朗疑似觸傷左膝舊患退下火線，佢尋日喺記者會拍心口話會披甲落場，狀態去到邊真係冇人知，今晚隨時好似鬥法國場波咁，畀敵方守將追住踢都似，樹大招風加埋有傷，葡萄牙堅係勢危喎！

佢哋喺I組首輪賽事連阿爾巴尼亞都輸得，今鋪造訪丹麥肯定焗攻，咁就分分鐘益晒擅打反擊嘅丹麥。喺I組暫時錄得1勝1和嘅丹麥，前中後三線分別有拉斯維比、基斯甸艾歷臣同丹尼爾艾格呢啲猛將坐陣，攻守實力平均。當中今季喺瑞超有20球進帳嘅拉斯維比，上仗鬥阿爾巴尼亞射入扳平「士哥」後有望擔正，葡萄牙焗攻，隨時又係拉斯維比嘅Show Time。

歐國外I組