|
|
德國班霸拜仁慕尼黑經過兩周國際賽期，一返到聯賽即刻嚟料，以6:0屠殺雲達不來梅。今晚拜仁轉戰歐聯E組作客羅馬，憑較佳整體實力同板櫈深度，贏面極高，揀1.72客勝啱數。
（有線61及201周三凌晨2:45直播）
拜仁鋒線猛將如雲，除咗上場鬥不來梅有斬獲嘅馬里奧葛斯同湯馬士梅拿，翼鋒列貝利亦已傷愈，可以再同洛賓雙翼齊飛，加上箭頭羅拔利雲度夫斯基日前獲輪休、拿姆同沙比阿朗素專注踢球會後勁醒神，拜仁連續8場冇失波，佢哋實在應記一功，即使左閘阿拉巴左腳受傷上陣成疑，一樣夠做。
羅馬教頭魯迪加西亞為準備今仗，日前聯賽鬥基爾禾收起謝雲奴同伊度比，弊在「雌狼」淨係識喺意甲也文也武，一遇「硬嘢」即時現形，之前鬥曼城同祖雲達斯僅得1和1負，今場硬撼實力更勝一籌嘅拜仁，凶多吉少。
歐聯E組 |
|
金睛卡
发表于 2014-10-21 11:39
变色卡
显身卡