修咸頓托弗半場大抵玩

猪拉多纳

（六）18修咸頓 Vs 史篤城 英超 22:00

上場大數新特蘭8:0嘅修咸頓，今晚繼續喺主場出擊，出戰近況同樣咁掂嘅史篤城。睇番兩軍近年交手例必殺個天昏地暗，一於博2.72倍半場大

（now623台周六晚10:00直播）

「聖人」今季表現咁出色，全賴領隊朗奴高文眼光十足，引入前鋒加斯安奴柏利、中場杜辛泰迪治，完全抵銷季初主力球員離隊嘅影響。呢兩位新兵上仗鬥「黑貓」更盡現威力，夾埋交出3個士哥同4球助攻，喺冇新增傷停問題下，「聖人」有望再度開火。
史篤城場場作客有波入

對手史篤城同樣唔失禮，近4戰贏3場，仲要今季場場作客都有波入。過去兩軍6次交手開出5口半場大，依家佢哋狀態咁Fit，隨時未完半場已經各自整番粒都唔奇。