「外星仁」殺得性起劏慕遜

猪拉多纳

外星「仁」出擊！講緊邊隊？之唔係拜仁慕尼黑囉！呢支德甲班霸周中喺歐聯大炒羅馬七個一皮，上半場已經贏到5蛋，癲成咁仲唔係外星嚟嘅？馬里奧葛斯、湯馬士梅拿、洛賓同羅拔利雲度夫斯基合組嘅鋒線無堅不摧，睇怕慕遜加柏嘅不敗金身好難保得住，1.9倍「讓客」唔怕捧！

（有線61、64、201及203周一凌晨0:30直播）

拜仁周中嘅演出霸氣到冇「朋友」，不過班球員一啲都無「囂士」，中堅貝拿迪亞就話成班手足冇為大捷去慶祝，反而更Focus嚟緊德盃對漢堡、聯賽撼多蒙特同歐聯再鬥羅馬嘅賽事，當然唔少得今晚嘅對手慕遜加柏啦。

老實講，「羅拔仔」今季過檔拜仁後，明顯仲未踢得出應有水準，但近期已慢慢適應上力，最近3戰攻入3球，加埋洛賓、馬里奧葛斯同湯馬士梅拿又係入球停不了，哥帥真係大把兵用。

查實慕遜加柏都唔嘢小，新季德甲8戰4勝同拜仁一樣未輸過，不過小弟就認為慕遜喺進攻上太倚賴麥斯古斯，呢位德國國腳係Fit呀，弊在其他中前場隊友唔夠Sharp醒呢，樹大招風成咁，今仗對住8場德甲僅失兩球嘅拜仁邊有咁易搵到食吖！
頂「占」推介：拜仁（讓球客勝）