光輝出擊谷草易放到

不死鸟

繼「歡樂出擊」之後，同主K304「光輝出擊」日前也宣布轉投賀賢馬房，即是話鬧兵變多時的蘇廐，唔同時間失掉兩粒棋子；「出擊」系響澳門養一大棚馬，幕後同澳紐馬圈人士有長時間交易，只要搭通天地線又出得起錢，搵匹有實力嘅馬嚟香港有幾難？
「光輝出擊」兩歲在澳洲昆士蘭出道，跑6場得2冠3亞，於1200米表列賽壓倒「一團威」得第二，落第一場二級賽跑第五，實力獲認同後，踏入3歲轉戰維省，結果在費明頓一場1400米表列賽再得亞軍，另兩戰則落第，本身慣性放頭或跟隨前領馬守第二位，計formline不過是表列賽位置馬，跑二、三級賽已足襟見肘，伸算來港評85分只算恰可，未必可穩步上揚，還好父系「巨人長堤」唔係純跑早熟，同老豆「獲利多」1400米就最拿手，其母3勝最長唔過1200米，綜合而論，「光輝出擊」最佳射程為1200、1400米，一哩已覺勉強，基於屬速度型馬，跑短直路有利得多，只要吼準2班谷草短途賽，也不無機會爭功。