向朗奴高文大Sam致敬

猪拉多纳

Peter經常講領隊對於球隊非常重要，有啲好教頭喺限米煮限飯之下，可領軍殺上中上游，相反若然係冇料扮四條，就算畀佢執教巨型班都會差強人意，睇吓費格遜退休後曼聯差勁戰績便明晒啦！今季英超最令人驚喜球隊，非依家排第二嘅「聖人」修咸頓莫屬，特別佢哋於今夏遭列強「煎皮拆骨」下，洛夫雲、拉爾拉拿、列基林拔、勞基梳爾同哥林張伯斯等主力全部被撬走，高層當機立斷，聘請喺荷甲教緊飛燕諾嘅朗奴高文接手，呢位昔日荷蘭重炮手經驗豐富，懂得審時度勢調整戰術，成功炮製出一隊蔗渣價錢、燒鵝味道嘅「聖人」。
聖人搭錘仔 和波過關

至於近年載浮載沉嘅韋斯咸，現時竟殺入前五嘅佳績，不得不讚領隊艾拿戴斯好嘢，Peter認為「大Sam」係英倫三島籍教頭中排名前列，在「錘仔幫」有限資源下，能連挫利物浦同曼城等班霸絕不嘢小。

今晚英超修咸頓同韋斯咸都要作客出擊，分別對住侯城及史篤城，Peter覺得呢兩支奇兵咁弗，至少能夠全身而退，不妨整條和波過關2串1，中咗都夠飲餐茶！
金句：

邊個話領隊唔重要，問吓紅魔擁躉你就知