費倫搶W有森有力

猪拉多纳

意甲 22:00 日（26）森多利亞 Vs 費倫天拿

馬里奧高美斯養傷，基奧斯比羅斯打柴，咁又如何呀？「傷鋒」費倫天拿因禍得福，今季爆咗件侯馬出嚟，呢位塞內加爾新星今季意甲已經有4球進帳，家吓當然要把握機會繼續證明身價啦，今晚造訪森多利亞，相信又係呢位前鋒嘅Show Time咯！
侯馬上位勁入4粒

今季外借回收嘅侯馬潛質優厚，最重要係有古達度、祖亞昆同保查華利路從後支援，邊使愁冇供應吖？唔係話睇小今仗對手森多利亞，不過佢哋最近陷入低潮，連續3場意甲失分之餘，最近兩場波仲食白果添。睇埋往績，雙方近5次交手，費倫錄2勝3和不敗成績，今鋪「紫百合」小讓平半，梗係要2.14倍上盤啦。