紅魔新箭射爆水晶宮

猪拉多纳

(六)17 曼聯 Vs 水晶宮

三戰不勝嘅昔日霸主曼聯，今晚喺英超坐鎮主場對護級分子水晶宮，「魔王」尹戈爾又有新搞作，有傳佢打算畀90後前鋒占士威爾遜擔正，頂替唔弗嘅尹佩斯掛帥，初生之犢不畏虎，遇上陣容不整嘅水晶宮，呢位青訓產品仲唔趁機入多幾粒博上位咩？讓球主勝不容錯過。

（now 621周六晚11時直播）
占士威爾遜擔大旗

曼聯連和西布朗及車仔後，上仗又喺打吡戰不敵曼城輸埋「飛士」，主帥尹戈爾定必求變博反彈，佢一向鍾意提拔新人，由於「老虎」法卡奧飽受傷患困擾，另一射手尹佩斯明顯未上力，「魔王」打算起用90後前鋒占士威爾遜擔大旗，呢位18歲小將喺周一為U21對李斯特城踢咗1粒鐘就被換走，就係為咗應付今仗對水晶宮。其實占士威爾遜並非無名小卒，上季季尾曾為一隊喺聯賽擊敗侯城梅開二度響過朵，難得有機擔正梗係搏甩髀，拍住朗尼爭取士哥喇，喺兩名中堅馬高斯盧祖及基斯史摩寧傷停下，紅魔隨時以攻代守，水晶宮不但近4仗輸3場，勇悍防中積甸拿克亦要坐波監，連弗爆翼鋒韋費特沙夏因外借合約條例未能倒戈，攻守都唔掂，曼聯勢必予取予攜重敲勝鼓，不妨直取讓球主勝。