巴塞重上勝軌「讓客」捧得過

猪拉多纳

巴塞隆拿喺近兩輪西甲都輸波，痛失聯賽榜首位置。不過，「地上最強」喺周中歐聯憑美斯個人梅開二度，作客輕取荷甲勁旅阿積士，及時止血。今晚佢哋將會作客近3場全敗嘅艾美利亞，要輕取對手應該冇問題，所以就算讓2球，都要撐2.05倍嘅「讓客」！

(now632周六晚上11:00直播)
「夢幻MSN」擔正入波

巴塞隆拿於早前兩輪西甲先後不敵皇家馬德里同切爾達，因而失去咗榜首席位，而被譽為「夢幻MSN」嘅鋒線組合，兩場波只係入得1球，完全死晒火。好在佢哋歐聯分組賽對住阿積士，美斯輕鬆入2粒輕取荷甲勁旅，唔使連續3場不勝。今戰佢哋去到艾美利亞主場，美斯、蘇亞雷斯同尼馬3大「神鋒」，應該會繼續擔正，肯定會去盡博炒艾軍，喺西甲重上勝軌。

至於巴塞今仗對手艾美利亞今季仲未喺主場贏過波，今戰仲要對住巴塞隆拿，輸少球都偷笑，終止連敗紀錄真係一啲都唔容易。
（六）33 艾美利亞 Vs 巴塞隆拿