捷克 冰島Happy開大騷

猪拉多纳

今晚歐國外有唔少直播戲碼，其中捷克喺A組主場對冰島，再追2.1倍入球大穩陣，事關捷克喺新教練維巴上任後，7場比賽有6次開入球大，轉性鍾意踢快樂足球，對家冰島火力亦唔弱有條件合演入球騷。

（有線64及203周一凌晨3:45直播）
捷克入得又失得

近年捷克足球開始走下坡，星級球員已經買少見少，正因為咁，捷克足總決定求變，佢哋喺今年1月邀請4度當選捷克最佳教練，兼且帶領過柏辛域陀尼亞進軍歐聯分組賽嘅維巴執教。其實捷克近期火力都有回升，中場杜卡爾喺近3場歐國外賽事都有士哥，狀態唔錯。只不過，佢哋條後防其實都幾唔掂，對住冰島好可能又會鬥攻博搶分，玩2.1倍入球大好路。
歐國外A組