|
|
南美球會盃4強首回合爆發阿根廷國家打吡，小保加聽朝喺主場對河床，主隊平手盤都要唔過，事關河床嘅哥倫比亞射手杜費路古迪利斯，最近成為轉會市場搶手貨，連英超曼聯都話想簽佢，為咗跳槽搵真銀，梗係要幫河床贏波證明自己有料啦！
（開賽時間：周五早上7:45）
小保加喺8強兩回合計以5:1淘汰波特諾，近排都幾強勢，加上中場加高喺阿根廷以0:1不敵葡萄牙嘅熱身賽中並冇上陣，相信今場會孖住傷愈嘅射手桑馬天尼斯重返正選陣容。只不過咁，今季小保加嘅表現都幾飄忽，始終令人有啲顧忌。
格食格專恰小保加
另邊廂喺8強兩回合計以5:3砌低學生隊嘅河床，射手杜費路古迪利斯、中場卡路士辛捷士同後衞艾華利斯巴蘭達已經踢完國際賽歸隊，相信可以候命，當中杜費路古迪利斯仲被曼聯同熱刺睇中，好有可能1月轉會，拎埋個南球盃冠軍傾人工嗌價都高啲啦！更何況雙方近6次對碰，河床似乎格食格，錄得3勝3和不敗佳績，聽朝就算作客理應亦可坐和望贏。
南球盃4強 |
|
金睛卡
发表于 2014-11-20 13:57
变色卡
显身卡