森多生牯仔斬瓜切塞

猪拉多纳

意甲球會莫財，難以引入高質素外援，造就重用土炮嘅森多利亞崛起，陣中有多位年輕小將喺剛過去國際賽檔期，入選意大利國家隊，並有不俗表現，為本土球員出一口氣。森多利亞喺呢班生牯仔擔大旗下，充滿活力，今仗作客讓切塞納半一，力捧森多利亞上盤。

（周日晚10時開賽）

森多利亞三線主力，包括前鋒加比亞甸尼、奧卡卡卓卡、中場羅拔圖蘇利安奴、後衞迪施維斯查，都有份喺日前國際賽上陣，奧卡卡卓卡仲有波入，對呢支重用土炮嘅球隊，絕對係一大鼓舞。森多利亞球員同聲同氣，有助建立凝聚力，鬥志頑強非常爛打，對住羅馬，亦力保不敗，級數遠高於下游球隊切塞納。至於切塞納今季升上意甲，只係首輪贏過1場，跟住10場聯賽未嘗1勝，根本未夠班喺意甲立足，可以長反。
拿玻里基達菲熱刺都掂

另外，拿玻里已經恢復應有水準，主場更加霸氣十足，炒得起卡利亞里。西甲方面，維拉利爾跌晒Watt，近4仗1和3負，同季初判若兩隊，主場都讓唔起基達菲。英超熱刺人腳唔錯，開始有番隊形，作客小讓侯城平半，上盤博得過。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！