奧特足球會留力砌莫迪

猪拉多纳

挪威盃決賽將喺今晚上演，由聯賽冠軍莫迪對「三哥」奧特足球會。兩軍剛喺煞科戰交鋒，奧特足球會喺有留力之嫌下輸波，球隊今仗有後防主力復出，加上近年挪威盃決賽都由排名較低球隊封王，相信奧特足球會今仗可順利封王，讓球客勝及奧特足球會「冠軍」皆可捧場。

（周日晚上8時15分開賽）

今屆挪威盃決賽喺中立場奧斯陸烏利華球場舉行，翻查近年挪威盃往績，發現排名較低嘅球隊都可以喺決賽封王。好似上年挪超第六嘅莫迪就擊敗第二嘅洛辛堡；前年就係挪甲嘅賀特贏挪超第四嘅特林素；2011年就由挪超第九嘅阿里辛特贏第四嘅白蘭恩，可見呢項盃賽近年勁旺排名較低嘅球隊。

「三哥」奧特足球會今季表現出色，球隊雖然喺早前煞科戰輸畀莫迪，但該仗有後衞拉斯艾歷臣停賽，加上球隊一心要應付呢場決賽，嗰場波似有留力之嫌，戰果不足為據。奧特足球會今仗有拉斯艾歷臣刑滿復出，對防線演出必有幫助。