普梳王谷草搵出路

不死鸟

好多練馬師響外地都有養馬，遇到有相熟馬主洽購便轉讓，每年南下出席拍賣會招兵買馬?姚本輝，就不時以個人名義投馬，「相見歡」、「金滿城」咪係佢投得的心頭好囉！今日主角K369「普梳王」，係佢響07年拍賣會以5萬5千澳元買下，可能知道匹馬偏向遲熟，故留在澳洲一邊跑一邊成長，到3歲尾才轉讓給退役馬「精梳王」?馬主來港。
事實上，「普梳王」響新南威爾斯出賽時，最初只安排在溫爾、肯辛頓馬場寓賽於操，達到水準後才出戰蘭域及肯德百里兩個一線馬場，看後期連續5仗不勝有位，就知匹馬表現有幾慢熱，而且越跑越長，來港前一仗所贏?0至69分讓磅賽，路程係1900米，不過出馬得4匹，仲係僅勝一條馬頸，水準唔可高估。血緣方面出自Encosta De Lago，質素冇可能跟「蓮華生輝」相提並論，性能亦不同，同母兄長「超勁精神」響3班贏過「得寶飛駒」只因受讓10磅，推算「普梳王」居3班只係適中，不妨效法「超勁精神」於谷草一哩、1800米尋找出路。