銀河揸住1粒睇定食

猪拉多纳

（日）57 西雅圖海灣者 Vs 洛杉磯銀河

美職季後賽聽朝上演西岸決賽次回合賽事，洛杉磯銀河首回合憑主場之利以1:0力克對手，今鋪作客西雅圖有條件睇住嚟食，難得銀河受讓平半，1.75倍下盤咪錯過。

（TVB302周一早上10:00直播）

海灣者雖然係常規賽盟主，之不過呢班波殺入季後賽後狀態明顯跌Watt，連續3戰不勝，更大鑊嘅係主力前鋒馬田斯、丹普西齊齊啞晒火，搞到隊波喺季後賽3戰只係入得1球，睇見都捧唔落手。

相反，銀河喺季後賽愈戰愈勇，3戰2勝1和冇失過波，今仗佢哋疊埋心水死守博反擊，開正羅比堅尼、當路雲呢啲快速射手嗰瓣，再講，銀河近6次同海灣者交手，只係輸過1次咁大把，莫講話要保住不敗開下盤，贏埋都仲得啦！