紅衣上將潛質蘇Good

不死鸟

顧氏家族養馬層面甚廣，除?大家熟悉的「紅衣」系，又以團體名義養有「浦紅之友」和「同心同德」，馬迷可曾記得，去季於蔡?發揚光大的「紅衣司令」，初來港時乃隸屬蘇保羅馬房；好在「同心同德」去季於阿蘇手上贏2場，總算冇辜負幕後好意，把2匹新貨K382「紅衣上將」與另一團體馬「紅衣叻叻」一併加盟。「紅衣上將」生有白鼻樑，網上睇片好易認，在紐跑4場全屬1200米，初時未學識留力，直路出?頭會自動慢車，年幼馬最緊要有進步，後來打疊贏馬，表現一次好過一次，雖然來港前一仗只係贏70分讓磅賽，談不上高水準，惟這次早段稍留拉士肯追馬，同之前只得鋪蠻力相比，可以話有大躍進?表現。

評72分有上升空間

其父Gold Mine出自北美名種Mr.Prospector，只贏一場1200米普通賽事，2004年開始在紐打種，首批子嗣中一駒勝出三級賽，其母曾勝1600米，首胎產下「紅衣上將」，綜觀血緣一般，但來港前顯露過不俗潛質，能夠於70分讓磅賽一攻而破，相信評72分唔會有阻力，值得留意進程。