K407能力待驗證

不死鸟

姚本輝馬房K407，至截稿前仍未命名，馬主董又浩在港首次養馬，查到匹馬響澳洲已屬董氏家族擁有，係透過專為本港馬主代理馬匹買賣的Magus Equine公司購入，周歲價達35萬澳元，父系Fusaichi Pegasus為本港大族之一，當中「俊歡騰」、「好歡騰」和「碧綠駿駒」亦係由同一買手引入。
K407來港前以Lucky Emperor之名出賽，今年4月響巴拉烈馬場小試牛刀，結果於1400米一戰即勝，造1分27秒13時間小勝長馬頸位，水準如何大家心照，但足夠取得進口來港資格，對幕後來講已達成目的，這類在彼邦上陣不多又曾贏過?自購馬，一般最低消費評66分左近，比52分澳紐馬贏一場加分幅度為多，我經常強調實力不易評估，須透過實戰觀察方知道賺蝕。
樂觀�a講，Fusaichi Pegasus子嗣普遍適合本港發展，母系源自Dehere，曾4捷於1000至1400米，結合兩線應是中距離性能馬，睇番晨操紀錄，7月下旬開操在機坪見過幾朝，到8月竟又銷聲匿��，看來適應方面尚有多少問題，新季縱見上陣都係先觀察為妙。